Hva skjedde

med alle gode forsett om å blogge oftere?

Teleskopet mitt er større enn ditt, så det så!

Takk til Silje som gjorde meg merksam på vitskapsmennene sin kreativitet når det gjeld namneval til apparat og duppedingsar. 

Her, til dømes, er eit bilete av eit veldig stort teleskop dei har bygd å ørkenen i Chile. Det vert kalla VLT, som sjølvsagt står for Very Large Telescope. Slik kreativitet! Slik fantasi! 

Det finst likevel fleire teleskop som er større enn VLT. Mange vil sikkert seie dei er ekstremt store. Eit av desse ligg dessutan i Europa, og har fylgjeleg fått det fantasifulle namnet E-ELT, eller European Extremely Large Telescope. 

Eg likar tanken på desse vitskapsmennene samla rundt eit bord til alvorlege namnedrøftingar. - Kva skal me kalle maskina?

- Eg veit ikkje… Ho er jo stor…
- Og, det er jo eit teleskop…
- Tenkjer de det same som eg, gutar? Det er jo genialt!
- Ja, men det heiter jo det teleskopet i Chile de veit, og vårt teleskop er jo større. Tenk om nokon skulle kome til å tru at vårt teleskop berre er veldig stort, slik teleskopet i Chile er.
- Nettopp! Eg vil hevde at vårt er ekstremt stort, ikkje berre veldig stort…
- Jau då, men kanskje me òg skal presisere kor me har bygd det, så vert det lettare å finne, meiner eg. 

Snart kjem det eit nytt teleskop. Det skal hete Det aller besteste gigahumongous superteleskopet i indre Gokk (ved Spar-butikken). Eg gler meg.

Elin har satt spillelisten på shuffle igjen...

Sidan sist

Når førre posten heiter “God jul” og me no kan helse kvarandre “god mars”, seier det sitt om oppdateringsfrikvensen til denne bloggaren. Det hadde vore fint å kunne hevde at manglande bloggoppdatering skuldast aktivt og innhaldsrikt liv utanfor bloggsfæren, eller utanfor internetten generelt for den saks skuld, men ein slik påstand ville vore dikt og forbanna løgn. Ikkje det at eg har eit aktivt og innhaldsrikt liv i bloggsfæren eller på internetten heller. Ein slik påstand ville òg kome i kategorien sanning med modifikasjonar. Livet mitt inneheld nemleg ein heil del ganske mykje ingenting. Årsakssamanhengen bak den manglande bloggoppdateringa har difor nøye samanheng med generell latskap. Så veit de det…

Sidan sist, det vil seie julekvelden, har eg drive ein del med jobbing og ein del med jobbsøking. Eg har nemleg hatt den noko tvilsame gleda (eller ei anna kjensle…) av ei adeccotilknyting, som eg no må klare meg utan ettersom St. Paul (skulen, ikkje helgenen… I alle fall ikkje så vidt eg veit…) hadde medynk med meg og skreiv meg på vikarlista si. Hurra! Eigentleg skulle dei ikkje ha bruk for meg før etter vinterferien, men så fekk eg ei tekstmelding på torsdag om eg ikkje kunne kome fredag, og det kunne eg. Sjølvsagt! Så spurde dei om eg ikkje kunne kome kvar dag etter vinterferien i ein månad, hundre prosent, og det kunne eg. Sjølvsagt! Det er nesten så ein får lyst til å konvertere. (Om eg prøvde kunne eg sjølvsagt òg klare å finne grunnar som taler mot å konvertere, men i høve det er sanning i det gamle ordtaket om å ikkje bite handa som før deg, lar eg den ballen liggje. Enn so lengje. Ein kan fort kome til å trø feil i slikt ulent terreng…) 

Ganske nøgd med tilvere.

GOD JUL

En fredelig, gledelig, redelig, ukjedelig, ufortredelig og ubegredelig jul og et überfantastisk og eksepsjonelt godt nytt år ønskes alle som tilfeldigvis skulle forville seg inn på denne bloggen (og de som tilfeldigvis ikke gjør det, men det kan ikke de vite...).